Ix- Xjenza tal-Laboratorju Mediku (MLS) hija Professjoni tas-Saħħa Alleata li tista’ tiġi deskritta bħala ditektifs tal-kura tas-saħħa li jaħdmu wara l-kwinti. Huma jittrattaw l-analiżi dijanjostika ta’ diversi kampjuni bijoloġiċi bl-użu ta’ tekniki u kompetenza avvanzata. It-talbiet tat-test isiru minn tabib u r-riżultati mbagħad jiġu rrapportati lura għal kwalunkwe azzjoni meħtieġa. Deċiżjonijiet mediċi kritiċi li jbiddlu l-ħajja huma bbażati fuq riżultati tal-laboratorju. Ix-Xjenztist tal-Laboratorju Mediku huwa meħtieġ li jkollu għarfien estensiv tal-fiżjoloġija, korrelazzjoni ta’ dejta tal-laboratorju ma’ mard speċifiku, għarfien dwar strumentazzjoni u tekniki u wkoll prinċipji u metodoloġiji tat-test. Ix- Xjenztist tal-Laboratorju Mediku għandu jkun iċċertifikat professjonalment mas-CPCM biex ikun jista’ jaħdem f’laboratorju dijanjostiku.
Il-professjoni tifrex f’diversi speċjalizzazzjonijiet u ħiliet:
- Batterjoloġija
- Trasfużjoni tad-Demm inkluż Blood Banking
- Kimika Klinika
- Koagulazzjoni
- Ċitoġenetika
- Ċitoloġija
- Ambjentali / Saħħa Pubblika
- Ematoloġija
- Istoloġija
- Immunoħistokimika
- Immunoloġija
- Ġestjoni tal-Laboratorju
- Dijanjostika Molekulari għal Mard Infettiv
- Ġenetika Molekulari u Onkoloġija
- Patoloġija Mortwarja u Anatomika
- Mikoloġija
- Parasitoloġija
- Pre-Analitiku
- Akkwisti
- Tossikoloġija
- Viroloġija
Il-professjoni hija wkoll responsabbli għal:
- Tagħlim ta’ studenti Universitarji u tal-MCAST li jsegwu l-kors tax-Xjenza Bijomedika Applikata u korsijiet oħra relatati.
- Job shadowing
- Servizzi tal-Flebotomija
Lokalment l-MLS jwettaq dmirijiet f’diversi postijiet:
- Fl-Isptar Mater Dei – Dipartiment tal-Patoloġija
- Fis-Servizz Nazzjonali tat-Trasfużjoni tad-Demm
- Fl–Isptar Ġenerali t’Għawdex
- Fil-Laboratorju tas-Saħħa Pubblika
Is-servizz tal-flebotomija huwa offrut madwar Malta kollha, fl-istituzzjonijiet tas-saħħa ewlenin kollha inpatient kif ukoll out-patient; ċentri tas-saħħa/bereġ u wkoll fil-kura fil-komunità.