Is-Servizzi Taghna

Deskrizzjoni

Il-podjatrija hija dik ix-xjenza li tittratta l-prevenzjoni, id-dijanjosi, it-trattament u r-rijabilitazzjoni ta’ kundizzjonijiet mediċi u kirurġiċi tas-saqajn u l-parti t’isfel tar-riġlejn. Il-kundizzjonijiet li jittratta il-podjatrist jinkludu dawk li jirriżultaw minn disturbi fl-għadam u fil-ġogi bħall-artrite u patoloġiji tat-tessut artab u muskolari, kif ukoll mard newroloġiku u ċirkotorju. L-għan tal-podjatrist huwa li jidentifika l-fatturi ta’ riskju involuti u li jikkura u jipprevjeni ċerti kumplikazzjonijiet. Eżamijiet dettaljati bħall-valutazzjoni vaskulari u newroloġika, il-valutazzjoni tal-mobilità u l-bijomekkanika għandhom rwol ewlieni fid-dijanjosi u t-trattament tal-kumplikazzjonijiet tas-saqajn.

Is-servizzi li noffru bhalissa jinkludu:

• Podjatrija ġenerali li tinkludi podjatrija ta’ rutina bħat-trattament ta’ kallijiet, infezzjonijiet tas-saqajn (infezzjonijiet fungali, batterjali jew virali), patoloġiji tad-dwiefer u eżamijiet dettaljati li jinkludu eżami bijomekkaniku, vaskulari u newroloġiku.
• Analizi tal-Mixja. Fiċ-Ċentru tas-Saħħa ta’ Birkirkara għandna klinika speċifikament iddedikata għall-Bijomekkanika. F’din il-klinika nagħmlu analiżi dettaljata bijomekkanika u tal-mixja permezz ta’ mezzi viżwali u kompjuterizzati.
• Screening tas-saqajn. Bħalissa noffru servizz ta’ screening newroloġiku u vaskulari għall-pazjenti kollha bid-dijabete. Dan is-servizz huwa prattikament offrut fil-kliniċi kollha, fejn pazjenti li ma jgħaddux mit-testijiet inizjali jiġu riferuti għal żewġ kliniċi oħra speċjalizzati li jinsabu fil-Furjana u f’Birkirkara għal aktar eżamijiet.
• Podopedjatrija. Sentejn ilu, F’Birkirkara, ġiet introdotta klinika speċjalizzata ddedikat għall-eżami u t-trattament tat-tfal. Din il-klinika kellha suċċess immedjat u wara sena biss kellna nirduppjaw l-istaff biex nilħqu mat-talbiet tal-pubbliku ġenerali.
• Rewmatojde. Pazjenti bl-artrite rewmatojde għandhom il-bżonnijiet partikolari tagħhom. Biex nilħqu l-bżonnijiet tagħhom għandna klinika speċjalizzata li ssir darbtejn fil-ġimgħa.
• Dijabete. Filwaqt li l-podjatra kollha permezz tal-eżami tagħhom huma kapaċi jidentifikaw kwalunkwe problema tas-sieq relatata mad-dijabete, għandna tim dedikat ta’ podjatristi li huma speċjalizzati fl-eżami u t-trattament ta’ pazjenti bid-dijabete. Bħala tim li huwa f’kollaborazzjoni mal-podjatristi l-oħra, it-Tissue Viability Unit u l-Unità tal- Ortotika u l-Prostetika, kif ukoll ma’ Professjonijiet oħra tal-Kura tas-Saħħa, jaħdmu ħafna biex inaqqsu r-rata ta’ amputazzjonijiet permezz ta’ trattamenti, edukazzjoni u miżuri preventivi.
• Kirurġija tad-dwiefer. Għandna klinika li hija kompletament iddedikata għall-kirurġija tad-dwiefer.
• Ġestjoni tal-feriti. Aħna niffurmaw parti mit-tim tat-Tissue Viability Unit. Aħna nikkollaboraw mill-qrib kemm ma’ podjatristi oħra, dipartimenti oħra u professjonisti oħra tal-Kura tas-Saħħa biex innaqqsu għall-minimu possibli n-numru ta’ amputazzjonijiet. Minħabba l-kobor ta’ dan is-servizz qegħdin fil-proċess li nżidu n-numru ta’ persunal f’dan il-qasam.
• Podoġerjatrija. Dan huwa wieħed mill-aktar timijiet b’saħħtu tagħna. Is-servizzi huma offruti fid-djar u residenzi kollha tal-Gvern, f’numru ta’ djar privati ​​tal-Anzjani (fejn hemm arranġament mal-PPP) u fil-biċċa l-kbira taċ-ċentri ta’ matul il-jum.
• Kollaborazzjoni mal-Kunsilli Lokali. Sal-lum dan is-servizz jinsab fil-fażi inizjali tiegħu fejn konna lħaqna ftehim ma’ żewġ kunsilli lokali (ta’ Kalkara u ta’ San Gwann). Darba fix-xahar nattendu l-uffiċċji/kliniċi tagħhom u noffru servizz minn hemm.

Procedura sabiex taghmel Appuntament:

Bħala podiatristi aħna nimmiraw li nagħtu servizz f’waqtu, li hu kosteffikaċi u l-aħjar possibbli għal kulħadd. Il-klijenti li għandhom bżonn is-servizz tagħna jistgħu jew jirreferu lilhom infushom, jew permezz ta’ referenza minn Professjonist tal-Kura tas-Saħħa. Kull ma jridu jagħmlu l-klijenti hu li jikkuntattjawna fiċ-Ċentru tas-Saħħa rispettiv tagħhom, fejn jingħataw appuntament. Wara l-eżami inizjali l-klijenti huma direġuti fl-aktar klinika xierqa, skont il-bżonnijiet tagħhom.

Eligibilita’

Iċ-ċittadini Maltin jew barranin kollha li għandhom permess ta’ residenza jistgħu jiġu riferuti biex jibbenefikaw minn kwalunkwe servizz tal-Podjatrija. 

Persuni oħra li għandhom bżonn is-servizz tal-Podjatrija xorta jistgħu jingħataw servizz bi ħlas kif ordnat mill-awtoritajiet.

Dokumenti Meħtieġa

Karta tal-identità

Mistoqsijiet Frekwenti

Mistoqsija: Minn fejn huwa offrut dan is-servizz?

Tweġiba: Is-servizz huwa offrut miċ-ċentri kollha tas-saħħa, mill-isptarijiet kollha u mid-Djar tal-Anzjani. Kull ma jridu jagħmlu l-klijenti hu li jikkuntattjawna fiċ-Ċentru tas-Saħħa rispettiv tagħhom, fejn jingħataw appuntament. Wara l-eżami inizjali l-klijenti huma direġuti fl-aktar klinika xierqa, skont il-bżonnijiet tagħhom.

Mistoqsija: Għandi bżonn riferiment biex nattendi?

Tweġiba: Idealment iva iżda mhux meħtieġ

Kif Tikkuntattjana

Tista’ tikkuntattjana billi:

• Tiġi personalment fl-uffiċċju tagħna
• Tikkuntattjana permezz tat-telefon jew fax

L-Uffiċċju tagħna

Indirizz

Dipartiment tal-Podjatrija
Birkirkara Civic Center
Triq Tumas Fenech
Birkirkara
BKR-2527

Telefon: 2149 4969

Ħinijiet tal-ftuħ

Aħna miftuħa matul il-ħinijiet li ġejjin:

• It-Tnejn sal-Ġimgħa: 7:30 a.m. – 2:30 p.m.
• Is-Sibt: 7:30 a.m. – 1:00 p.m.

Meta żżur l-Uffiċċju tagħna aħna:

• Naqduk malajr u bil-korteżija u ser inkunu ta’ għajnuna
• Nilqgħuk f’ambjent nadif u akkoljenti

Meta ċċempelna tista’ tistenna li:

• Nwieġbu fil-pront
• Nidentifikaw lilna nfusna