Informazzjoni

Deskrizzjoni

Għanijiet tas-servizz

Li jiġu pprovduti l-ogħla standards ta’ prattika klinika permezz ta’ approwċ interprofessjonali appoġġjat minn riċerka u edukazzjoni bil-għan li jinkisbu l-aħjar riżultati tal-pazjent billi tirestawra, ittejjeb u timantjeni il-funzjoni biex ittejjeb il-kwalità tal-ħajja tal-pazjent mar-ritorn tiegħu fil-komunità.

Deskrizzjoni tas-servizz

Il-Fiżjoterapista jevalwa l-istat fiżiku tal-pazjenti billi jqis il-ħtiġijiet psikosoċjali u ambjentali individwali. Huwa fformulat pjan ta’ kura biex terġa’ tinkiseb u tinżamm il-mobilità u l-indipendenza funzjonali massima, meħtieġa għar-riintegrazzjoni fil-komunità. Għanijiet għal żmien qasir u fit-tul huma ppjanati b’mod realistiku mit- tim professjonali u huma soġġetti għal reviżjoni, diskussjoni u modifika kontinwa. Pariri dwar il-prevenzjoni ta’ problemi jinkludu: il-kunċetti ġenerali ta’ tekniki ta’ trasferiment u tqandil xieraq; l-użu korrett ta’ għajnuniet għall-mixi preskritti; l-użu tat-turġien; l-importanza ta’ żraben xierqa u sigurtà fl-ambjent tad-dar.

L-Assistenti tal-Fiżjoterapija jikkumplimentaw ix-xogħol tal-Fiżjoterapista u huma mħarrġa biex iwettqu diversi attivitajiet terapewtiċi taħt superviżjoni.

Provvista ta’ Servizz

L-inpatients kollha jiġu riferuti għal valutazzjoni individwalizzata tal-fiżjoterapija li warajha jitfasslu pjanijiet ta’ trattament skont il-ħtiġijiet tal-pazjent. Kliniċi jsiru kuljum fl-isptar ta’ matul il-jum fejn pazjenti ġodda jiġu vvalutati mit-tim mediku u riferuti għall-fiżjoterapija kif meħtieġ.

  • Inpatients; sptar ta’ matul il-jum u outpatients mediku
  • Servizz on call: filgħaxija; tmiem il-ġimgħa; festi pubbliċi
  • Induzzjoni u taħriġ tal-persunal tal-isptar (ċaqliq u trasferiment tal-pazjenti; ergonomija; benesseri tal-impjegati; sigurtà tal-post tax-xogħol)
  • Provvista ta’ għajnuniet għall-mobbiltà u siġġijiet tar-roti
  • Taħriġ għal studenti mhux gradwati (superviżjoni klinika; rwol tal-fiżjoterapista u membri tat-tim; integrazzjoni tat-teorija fil-prattika; sit għall-eżamijiet prattiċi)

Dettalji ta’ Kuntatt

Uffiċċju prinċipali, Livell 4: : 2208 1136 / 1289

L-Isptar ta’ matul il-Jum, Livell 2: 2208 2023

RW4 Rehab Gym, Level 3: 2595 1660

RW1 Rehab Gym, Level 0: 2208 3016

Ħinijiet tal-Ftuħ

Mit-Tnejn sal-Ġimgħa: 7:30 a.m. – 3:30 p.m.